या ओरडण्याचा आवाज ऐकून विश्वास लामखडे जागे झाले. ते बाहेर पडवीत आले असता, अंधूक प्रकाशात चौघेजण हत्यारे घेऊन उभे असल्याचे त्यांनी पाहिले. त्यांनी चोरट्यांना रोखण्याचा प्रयत्न केला असता, एका चोरट्याने कुर्‍हाड उगारून त्यांना शांत राहण्याचा इशारा दिला. झटापटीदरम्यान एका चोरट्याने विश्वास लामखडे यांच्या डोक्यावर हत्याराने वार केला, ज्यामुळे त्यांना गंभीर दुखापत झाली आणि रक्तस्त्राव होऊ लागला. परंतु, जखमी अवस्थेतही त्यांनी चोरट्यांशी प्रतिकार सुरूच ठेवला. ज्वारीच्या शेतात सुरू असलेल्या या संघर्षात, अखेर गंभीर जखमी झाल्यामुळे लामखडे जमीनदोस्त झाले.
या परिस्थितीचा फायदा घेत चोरट्यांनी घरात प्रवेश केला. त्यांनी कपाटातील सामानाची उचकापाचक करून पाकिटासह रोख सात हजार रुपये आणि महत्त्वाची कागदपत्रे लुटून डोंगरात पळ काढला. घटनेनंतर आसपासचे शेतकरी गोळा झाले आणि त्यांनी गंभीर जखमी झालेल्या विश्वास लामखडे यांना तात्काळ बोटा येथील दवाखान्यात नेले. त्यानंतर त्यांची प्रकृती अधिक बिघडल्याने त्यांना पुढील उपचारांसाठी आळेफाटा येथील रुग्णालयात हलविण्यात आले आहे.
या घटनेनंतर विश्वास लामखडे यांनी घारगाव पोलिस ठाण्यात तक्रार दाखल केली आहे. त्यांच्या फिर्यादीवरून घारगाव पोलिसांनी चार अज्ञात चोरट्यांविरुद्ध गुन्हा दाखल केला आहे. पोलिसांना घटनेची माहिती मिळताच, प्रभारी उपविभागीय पोलीस अधिकारी हरीष खेडकर आणि पोलीस निरीक्षक दिगंबर भदाणे यांनी घटनास्थळी भेट देऊन पाहणी केली. घटनास्थळी फौजफाटा, श्वान पथक आणि ठसेतज्ज्ञांनाही बोलवण्यात आले. या घटनेमुळे परिसरात भीतीचे वातावरण निर्माण झाले असून, पोलिसांनी चोरट्यांचा शोध सुरू केला आहे.
.jpeg)
0 टिप्पण्या